Azaroaren 11n eta 12an bildu ginen Eibarren Udako Euskal Unibertsitateak duen egoitzan “Prozedura feministak: ezagutza, ikerketa eta herrigintza” deituriko ikastaroan.

30 lagunetik gora izan ginen bertan. Tartean, profil askotariko pertsonak: ikerlariak, interesa zutenak, herri mugimendutako kideak eta unibertsitateko irakasleak. Arlo ezberdinetan sakondu zen. Memoria eta genealogia feministen garrantziaz aritu ziren Miren Aranguren, Edurne Epelde eta Amagoia Gurrutxaga ostiral arratsaldean. Larunbatean hasiera eman genion ikastaroari ikerketa prozesuen inguruan hausnartzen. Lehenengo mahai inguruan Marta Barbak, Oihane Uitzik, Haizea Barcenillak eta Iratxe Retolazak egun akademiaren baitan ezagutzaren eraikuntzan sortzen diren prozesu ezberdinak izan zituzten hizpide. Epistemologia eta metodologia feministak oinarri hartuta, ezagutzaren eraikuntzarako bestelako prozesuetaz aritu ziren eta baita akademian ematen diren botere harremanetaz ere.

Ondorengo mahai inguruan, Itziar Gandarias, Nerea Fillat, Miren Guillo eta Pili Alvarezek esku artean dituzten ikerketa proiektu ezberdinak azaldu zituzten. Bukatzeko, elkarren arteko eztabaidaren bidez, aurrera begira eremu honetan parte hartzen dugun ikerlari eta esperientzia ezberdinak saretzeko beharraz eta prozeduraz aritu ginen.

Hemen ikastaroak utzi zituen irudi batzuk.

Nafarroako hezkuntza departamentuak hezkidetza plana osatu du, eta haur hezkuntzan, batxilergoan zein lanbide heziketan txertatuko du. Aurten, Nafarroako 16 ikastetxe animatu dira SKOLAE izeneko proiektua martxan jartzera, eta esperientzia horien ondoren egingo diren moldaketekin, hurrengo urtean, Nafarroako ikastetxe guztietara hedatu nahi da. 

Emaginek edukien garapenean lagundu du; lidergotzaren, ahalduntzearen eta parte hartze sozialaren atalean egin dugu ekarpen nagusia. Material eta baliabide pedagogiko askotarikoak sortu ditugu, irakasleei zuzendutako online formaziorako nahiz ikasleei begirako materialak lantzeko aurreikusita dauden saioetarako.

Hona hemen Skolae proiektuari eta honen aurkezpenari buruzko informazio gehio:

• http://www.noticiasdenavarra.com/2017/09/07/sociedad/navarra/rskolae-berdin-bideanr-hezkidetza-programa-aurkezteko-jardunaldiak-egingo-dira-irailaren-13-eta-14an
• http://www.noticiasdenavarra.com/2017/09/07/sociedad/navarra/un-programa-de-coeducacion-impulsa-la-igualdad

Formazioa eta ikerketaren alorra lantzeaz gain, aholkularitza, zuzeneko eskuhartzea zein zerbitzuen kudeaketa dira Emagin Elkartean, azken urteotan, garatu ditugun lan lerroak. Azkena Ibarrako udalean abiatu dugu: apiriletik aurrera bertako berdintasun zerbitzua kudeatzen hasi gara.
Aizpea Esnaola oriotarraren esku egongo da zerbitzua eta, momentuz, lehentasunak honakoak dira: Ibarrako emakumeon boteretzea lortzeko mugimendu feminista indartzea, politika publikoetan mainstreaming berdintasun estrategia txertatzea eta indarkeria sexistari aurre egiteko bitartekoak koordinatu eta eskuragarri jartzea.

Hemen duzue berdintasun teknikariari pasaden ekainean egindako elkarrizketa:
https://ataria.eus/ibarra/1498585475539-lan-asko-egin-behar-dugu-emakumeen-lana-ikusarazteko